مراحل تطور البنوتات على النت

مراحل تطور البنوتات على النت

المرحله الاولى :
الي يدوبك لسه متعلمه تدخل نت
طبعا العمر يتراوح من 15 الى ما فوق ... وتلاقيها اول ما تدخل هاي ممكن نتعرف انا فلانه ومن الحته الفلانيه وتحس ان فيه حنفيه معلومات اتفتحت واي حاجة تقولهالها تقولك يعني ايه مش فاهمه وبعد كل كلمة تقولك اصل انا لسه جديده في النت
والنوعية دي تنقسم لقسمين :
1- يا اما متحمسه وحطه ف دماغها موضوع النت وعايزه تتعلم
2- يا اما سمعت من اصحابها عن النت والشات وجايه تجرب حظها

المرحلة الثانية:
الي بتقعد على النت بس مش كتير
النوع ده كل كلامه انا مشغولياتي كتير ومبحبش النت والكلام ده
وبعد ما تتكلم شوية تقولك
باى على فجأه كدا ولا تقولك هى ماشيه ولا تقولك انا ماشيه ولا هكلمك بعدين
ولا كأنك كنت بتتكلم مع حد شغل عيال صغيره بئى
والنوعيه دي تنقسم الى قسمين:
1- يا اما تبئى رغايه وتفضل ترغى وانت مش فاهم اى حاجه وصباح الملل بئى يا معلم
2- يا اما تبقى عندها عزة نفس وتقولك لو مش عايز تكلمنى براحتك وهى هتموت وتكلمك

المرحلة التالته :
الي قاعده على النت ليل نهار
دى بقى شرحها يطول وينقسم لعدة انواع

1- المقموصه
دى بئى قاعده وحاطه ايدهاعلى زرار الزعل اي حاجة تقولها تبئى
بتقصدها او بتقلل من شأنها
وبعد كام مره تقولك ممكن تبعت صورتك ولو اعتزرت تقولك
خلاص براحتك انا هحترم رغبتك ومن وقت للتانى هتزهق منك وتشوف غيرك

2- اللى دمها خفيف
ودى بئى شلل مركز ومتعرفش مين اللى خدعها وقالها ان دمها خفيف
وكل كلامها قفشات وضحك والمفروض انك تكون مجامل وتضحك بس انصحك متجيش على اعصابك الواحد مش ناقص

3- الموديه
دى بئى شخصبه بتتغير كل يوم على حسب المود وهتحس انك بتكلم واحده عندها انفصام فى الشخصيه
يعنى النهاردا رزينه وعاقله وبكره لاسعه ومن يومين رخمه وبعدها كيوت وفريندلى
طبعا الحكايه مش ناقصه جنان وكفايه اللى الواحد فيه

4- اللزقه
والنوع ده عايز الحزم فى التعامل معاه لا ن كل كلامه عباره عن
انت فين ....؟ انت بتتأخر فى الرد ليه...... انت بتكلم حد ؟؟ طيب وانتى مالك بتتحشرى ليه ؟
ولو قولتها ثوانى تقولك .. رايح فين ؟

5- الناصحه
صباح الصداع بئى .. مع كل جمله هتقولها هتاخد عليها نصيحه
وفى عرض خاص كل ما تقول جملتين تاخد اربع نصايح والعرض سارى حتى نفاذ الكميه
ولو انت فى منتدى هتلاقيها تقولك حطيت التوبيك ده ليه وشيلت الصوره دى ليه وحطيت التانيه
دى انصحك تعمل عليها اوف لاين على طول عشان تخلص من صداعها

6- الحبيبه
انا فيا جاذبيه وكل الشباب بتعجب بيا فى المعهد او فى الدروس الخصوصيه فى اعدادى وثانوى
وفى الشارع مش بخلص من معاكستهم وانا بلبس كذا وكذا وبغير كل يوم شوز وبلبس ويوم مش عارف فى الغردقه ويوم مش عارف فين

7- المغروره
ودى اصلا مش عارف مغروره على ايه
تلاقيها كل ما تقولها حاجه تقولك براحتك انت حر وانا مش بتكلم مايك ولا حد بيشوف صورتى
لحد ما انت هتتخنق وتنفض

8- الكدابه
ودى بئى من اول الاسم والسن واى معلومه خدتها كلها كدب فى كدب
يعنى تبئى اسمها (نحمده) وتقولك(سالى ولا ميار) عادى هى الاسماء عليها جمرك ؟ ودى بئى تنصحها تغير اسمها على الماسنجر وتكتب
ام اربعه واربعين

9- العبيطه
دى هتلاقيها على طول حاطه صورتها على الايميل وكل شويه تغير صوره وتقولك ايه رأيك فى الصوره دى
دى وانا مع بابى فى مش عارف فين ودى لما سافرنا فين
ودى عالابحر لحد ما تعملك فيلم وثائقى عن صورها

------------------------------------------------

وهوا ده كل اللى تبات فيه تصبح فيه
ولا بتلاقى جديد ولا حاجه بتتغير
ويلا يا بنات ورونى انتو انى نوع فى دول
ا
ولسه اللى جاى